ՀՀ ԶՈԻ գլխավոր շտաբի պետի նախկին տեղակալի դեմ մեղադրանք չի առաջադրվել

Ինչպես արդեն տեղեկացրել էինք, զորամասերին տավարի մսի փոխարեն գոմեշի միս մատակարարելու համար «Օհանջանյան» ՍՊԸ տնօրեն Ալբերտ Օհանջանյանի դեմ մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով՝ խարդախություն, որը կատարվել է առանձնապես խոշոր չափերով:

Նույն գործով շրջանառվում էր նաև ՀՀ ԶՈԻ գլխավոր շտաբի պետի նախկին տեղակալ, գնումների և մատակարարումների հետ կապված հարցերը համակարգող Արշալույս Փայտյանի անունը, ում դեմ մեղադրանք չի առաջադրվել։ Այս մասին Lurer.com-ի հետ զրույցում ասաց ՀՀ ՊՆ քննչական ծառայության հասարակայնության հետ կապերի սպա Մերի Սարգսյանը։

Հիշեցնենք, որ ըստ մամուլի հրապարակումների՝ Արշալույս Փայտյանը երկրում չի գտնվում, քանի որ բուժման նպատակով մեկնել է արտերկիր։