Երկրաշարժից փլուզման ահազանգեր չեն եղել. հնարավոր վնասները ճշտվում են. Շիրակի մարզպետ

Առավոտյան ժամը 07:36-ին, Բավրա գյուղից 14 կմ արևելք գրանցված հերթական երկրաշարժից հետո փլուզման ահազանգեր չեն եղել: Այս մասին Facebook-ի իր էջում գրել է Շիրակի մարզպետ Նազելի Բաղդասարյանը:

Նա մասնավորապես, նշել է. «Էպիկենտրոնային գոտում ստորգետնյա ցնցման ուժգնությունը կազմել է 6 բալ, Շիրակի մարզի բնակավայրերում այն զգացվել է 5 բալ ուժգնությամբ։

Մարզպետարանի պատասխանատու ստորաբաժանումները տեղեկատվություն են հավաքագրում մարզի բոլոր համայնքներից՝ արձանագրված հնարավոր վնասները ճշտելու համար»: