Ջոնի Դեփը համաձայնության է եկել գործընկերոջ հետ, ով դատի էր տվել նրան իրեն ծեծի ենթարկելու համար

Ջոնի Դեփը համաձայնության է եկել «Ստի քաղաքը» ֆիլմի իր գործընկեր Գրեգ «Ռոքի» Բրուքսի հետ, ով նրան մեղադրել էր իրեն հարվածելու մեջ: Այս մասին հայտնում է Hollywood Reporter-ը։ Ջոնի Դեփը պետք է համաձայնագրի պայմանները կատարի մինչև օգոստոսի վերջ։ Փաստաթղթի մանրամասները չեն բացահայտվում։

Բրուքսը նախկինում պնդում էր, որ Դեփը ծեծի է ենթարկել իրեն նկարահանման հրապարակում, երբ նրանք միասին աշխատում էին 2017 թվականին: Ֆիլմի մենեջերը պատմել էր, որ դերասանը երկու բռունցքով հարվածել է նրա կողոսկրերին, որից հետո հայտարարել է, որ Բրուքսին կվճարի 100 հազար դոլար, եթե նա հարվածի Ջոնիի դեմքին։ Հայցում նաև նշվում էր, որ Դեփի գործողությունները «դիտավորյալ և չարամիտ» են եղել և «կատարվել են հայցվորին նվաստացնելու նպատակով»: Դատավարությունը պետք է սկսվեր հուլիսի վերջին։

Ավելի վաղ Ջոնի Դեփը շահել էր նախկին կնոջ՝ Էմբեր Հերդի դեմ դատը, որին նա մեղադրել էր զրպարտության մեջ։ Դատարանը Հերդին պարտավորեցրել էր դերասանին փոխհատուցում վճարել 15 միլիոն դոլարի չափով։

«Ինչպե՞ս կարող էին նրանք այլ որոշում կայացնել: Նրանք երեք շաբաթ լսել են վարձատրվող աշխատակիցների ցուցմունքները, իսկ դատավարության ավարտին` պատահական մարդկանց ցուցմունքները: Ես նրանց չեմ մեղադրում, ես նրանց հասկանում եմ։ Նա սիրելի կերպար է, և մարդկանց թվում է, թե ճանաչում են նրան: Նա ֆանտաստիկ դերասան է»,֊
հարցազրույցում ասել էր Հերդը՝ հավելով, որ հասկանում է, թե ինչու է ժյուրին ի վնաս իրեն որոշում կայացրել։

Չնայած դրան՝ Հերդի փաստաբաններն փաստաթղթեր են ուղարկել դատարան՝ պահանջելով նոր դատավարություն սկսել։