«Ալ Քաիդայի» վերածնունդը Իրաքում

Իրաքի արևմտյան անապատում «Ալ Քաիդան» ահաբեկչական ուսումնական ճամբարներ է ստեղծում և պատրաստվում իր ձեռքն առնել Իրաքի իշխանությունը, քանի որ երկրի կառավարությունն անկարող է պայքարել ահաբեկիչների և ապստամբ խմբավորումների դեմ, այս մասին ահազանգում են Իրաքի պաշտոնական աղբյուրները:

Իրաքում վերջին 10 շաբաթների ընթացքում «Ալ Քաիդայի» իրականացրած ահաբեկչական գործողությունների թիվը կտրուկ աճել է: աշտոնյաները համոզված են, որ ահաբեկչական ճամբարներում ապաստան են գտել բանտերից փախած կամ համաներմամբ ազատ արձակված բազմաթիվ հանցագործներ: Նրանցից շատերը Սուդանից են կամ սունիներով բնակեցված Գալֆ նահանգից:

«Ալ Քաիդայի» նոր ճյուղի ակտիվացումն Իրաքում անսպասելի չէր: Դեռ նոյեմբերին զինվորական իշխանությունները կանխատեսում էին, որ Իրաքի Իսլամական Պետություն կոչվող այս կառույցը կապակայունացնի վիճակը երկրում, որը կհանգեցնի քաղաքացիական պատերազմի սունիների և շիաների միջև: