Բիլլի Այլիշը ցուցադրել է իր 5 դոլար արժողությամբ քսուքը, որից երբեք չի բաժանվում (լուսանկար)

Երգչուհի Բիլլի Այլիշը խոստովանել է, որ իր սիրելի քսուքներից է Aquaphor All-Purpose Cream-ը, որը վաճառվում է ԱՄՆ֊ի դեղատներում 5 դոլարով։ «Նա միշտ ինձ հետ է՝ 24/7 ռեժիմով: Որտեղ էլ լինեմ, ում հետ էլ լինեմ, ինչ էլ անեմ, գրպանումս է: Սա իմ դիմահարդարման և մաշկի առողջ փայլի հիմքն է»,- քսուքի մասին ասել է Բիլլի Այլիշը։

Երգչուհին խոստովանել է, որ այն օգտագործում է անգամ շրթներկի փոխարեն։ Այլիշը շեշտել է, որ ինքը շուրթերի փայլերի մեծ սիրահար չէ, քանի որ դրանք կպչուն են և տարօրինակ համ ունեն։

Արտիստը նաև պատմել է, որ ինքը շոուների համար ինքնուրույն է դիմահարդարվում, և որ իր ավագ եղբայր Ֆիննեսն է 12 տարեկանում իրեն սովորեցրել զբաղվել սեփական մաշկի խնամքով։ Բիլլին նաև պատմում է, որ հրաժարվել է կաթնամթերքից ու գլյուտենից, որից հետո իր մաշկի վիճակը լավացել է։