Էրդողանը սպառնում է Ֆրանսիային

Թուրքիայի վարչապետ Ռեջեփ Թայիփ Էրդողանը սպառնացել է Ֆրանսիային և կոչ է արել Ֆրանսիայի իշխանություններին ետ կանգնել Հայոց ցեղասպանությունը ժխտելու մասին բանաձևը Ֆրանսիայի սենատում ընդունելուց։ Այս մասին նախօրեին հաղորդել է Անատոլիա լրատվական գործակալությունը։

Նիկոլա Սարկոզիին ուղղված նամակում Էրդողանն ասել է. «Ես ուզում եմ զգուշացնել,որ բանաձևի ընդունումը Ֆրանսիայի տնտեսության և մշակույթի զարգացման գործընթացում վատ ազդեցություն կունենա»:

Թուրքիայի վարչապետը հայտարարել է, որ Ֆրանսիայի խորհրդարանի կողմից այդ բանաձևի ընդունումն անդառնալի ազդեցություն կունենա թուրք-ֆրանսիական հարաբերություններում. «Եվս մեկ անգամ կոչ եմ անում Ձեզ՝ պարոն Սարկոզի ե՛տ կանգնել այդ ծրագրից», – հայտարարել է Էրդողանը։