Hurriyet. Թուրքիան ավելի կոպիտ է պատասխանելու Սիրիային, եթե հարձակումները շարունակվեն

Թուրքիան պատրաստ է պատասխանել Սիրիային ավելի մեծ ուժով, եթե արաբական հանրապետությունից եկող արկերը շարունակեն խոցել թուրքական տարածքը, այսօր լրագրողներին է հայտնել գլխավոր շտաբի պետ գեներալ Նեցդետ Օզելը, գրում է Hurriyet-ը:

Խոսելով սահմանային Աքչաքալե քաղաքից՝ Օզելն ասել է, որ «Թուրքիան արդեն պատասխանել է  և պատասխանելու է ավելի ուժեղ», եթե հարձակումները շարունակվեն:

Օզելն այնուհետև այցելել է այն քաղաքացիների տները, ովքեր զոհվել էին Սիրիայի կողմից ռմբակոծման հետևանքով, հոկտեմբերի 3-ին: