Ուսումնավարժություն՝ «Արմենիա Մարիոթ»–ում

Հոկտեմբերի 11-ին, ժամը 12.00-ին «Արմենիա Մարիոթ» հյուրանոցային համալիր ՓԲԸ-ի 9-հարկանի «Արարատ» մասնաշենքում (հասցե՝ Երևան, Ամիրյան 1) անցկացվելու է «Հրդեհաշիջումը բարձրահարկ շենքերում և հյուրանոցներում» թեմայով ցուցադրական հատուկ տակտիկական ուսումնավարժություն:

Ուսումնավարժության նպատակներն են՝

-բարձրացնել հրդեհաշիջման ղեկավարների գործնական հմտությունները՝ ստեղծված իրավիճակի ճիշտ գնահատում և հրդեհաշիջմանը ներգրավված ուժերի և միջոցների ղեկավարում.

-կատարելագործել ՀՀ ԱԻՆ ՓԾ հատուկ փրկարարական ջոկատի և հրշեջ-փրկարարական ջոկատների անձնակազմերի գործնական հմտությունները (բարձրահարկ շենքերում և հյուրանոցներում) հրդեհաշիջման աշխատանքների ժամանակ.

-փոխգործողությունների պլանի համաձայն՝ օբյեկտը սպասարկող անձնակազմի պարտականությունների կատարումը մինչև հրշեջ-փրկարարական ջոկատների ժամանումը:

Ուսումնավարժությանն ընդգրկված են մայրաքաղաքի 4 հրշեջ-փրկարարական ջոկատների, հատուկ փրկարարական ջոկատի անձնակազմերը, ոստիկանության ուժեր և շտապօգնության 4 բրիգադ:

Ըստ մտահղացման՝ «Արմենիա Մարիոթ» հյուրանոցային համալիրի աշխատակիցները՝ նկատելով, որ ծուխ է դուրս գալիս հյուրանոցի 9-հարկանի «Արարատ» մասնաշենքի 7-րդ հարկի երկու պատշգամբներից, անմիջապես ահազանգում են ՀՀ ԱԻՆ «911» արագ արձագանքման հեռախոսահամարով:

Սիրելի լրագրողներ, հոկտեմբերի 11-ին, ժամը 12.00-ին հրավիրում ենք ձեզ «Արմենիա Մարիոթ» հյուրանոցային համալիր՝ լուսաբանելու այս հետաքրքրաշարժ ուսումնավարժությունը։