Հայ և ռուս արվեստագետները հանդես կգան համատեղ համերգով

«Ռուսաստան և Հայաստան. միջտարածաշրջանային երկխոսություն 2012» հայ-ռուսական 2-րդ համաժողովի շրջանակներում՝ ս. թ. հոկտեմբերի 12-ին, ժամը 18:00-ին, Արամ Խաչատրյան համերգասրահում կկայանա համերգ Երևանի պետական սիմֆոնիկ նվագախմբի և Ռուսաստանի Դաշնության մենակատարների մասնակցությամբ:

Ծրագրում ներառված են՝

Ալ. Հարությունյան-Վալս, /Ալ. Սպենդիարյանի անվան օպերայի և բալետի ազգային ակադեմիական թատրոնի սիմֆոնիկ նվագախումբ, գեղ. ղեկ և գլխ. դիրիժոր Կարեն Դուրգարյան/,

Պ. Չայկովսկի-Վալս-սկերցո ստ. 34,

Ի. Ֆրոլով-Գերշվին- Ֆանտազիա «Պորգի և Բեսս» օպերայի մոտիվներով /մենակատար՝ միջազգային մրցույթների դափնեկիր Սերգեյ Պոսպելով, ջութակ/,

Ջ. Վերդի- Էբոլիի արիան «Դոն Կարլոս» օպերայից /մենակատար՝ Ալ. Սպենդիարյանի անվան օպերայի և բալետի ազգային ակադեմիական թատրոնի մենակատար Նարինե Անանիկյան, մեցո-սոպրանո/,

Ն. Ռիմսկի-Կորսակով-Ձյուանուշի «Ընկերուհիների հետ…» արիոզան համանուն օպերայից /մենակատար՝ միջազգային մրցույթների դափնեկիր Դարյա Կովալենկո, սոպրանո/,

Ալ. Հարությունյան-Սայաթ-Նովայի արիան համանուն օպերայից /մենակատար՝ միջազգային և հանրապետական մրցույթների դափնեկիր, ՀՀ Նախագահի մրցանակակիր, Ալ. Սպենդիարյանի անվան օպերայի և բալետի ազգային ակադեմիական թատրոնի մենակատար Հովհաննես Այվազյան, տենոր/,

Ի. Կալման-Սիլվիայի արիան համանուն օպերետից /մենակատար՝ միջազգային մրցույթների դափնեկիր Դարյա Կովալենկո, սոպրանո/,

Դ. Շոստակովիչ- Երեք պրելյուդներ հոբոյի և դաշնամուրի համար, մշակումը՝ Մ. Ուտկինի, հոբոյի և կամերային նվագախմբի համար, /մենակատար՝ միջազգային մրցույթների դափնեկիր, Մոսկվայի պետական ակադեմիական ֆիլհարմոնիայի մենակատար Դմիտրի Բուլգակով, հոբոյ/,

Ա. Բորոդին-Իշխան Իգորի արիան համանուն օպերայից,

Ջ. Վերդի-Ռիգոլետտոյի արիան համանուն օպերայի 2-րդ մասից /մենակատար՝ Ռուսաստանի Մեծ և Մոսկվայի Եվգենի Կոլոբովի անվան «Նոր օպերա» թատրոնների մենակատար Անջեյ Բելեցկի, բարիտոն/,

Պ. Չայկովսկի-Նվագախմբի և դաշնամուրի N 1 կոնցերտ սի բեմոլ մինոր, ստ. 23, 2-րդ, 3-րդ մաս /մենակատար՝ ՌԴ ժողովրդական արտիստ, Մոսկվայի պետական ակադեմիական ֆիլհարմոնիայի մենակատար, պրոֆեսոր Վլադիմիր Օվչիննիկով, դաշնամուր/,

Ջ. Վերդի-Կենաց երգ՝ «Տրավիատա» օպերայից: