Արցախի և Հայաստանի պետական միջոցների ֆինանսավորմամբ վերջին մեկ տարում ավելի քան 1000 ընտանիք ապահովվել է բնակարանով

Արցախի և Հայաստանի պետական միջոցների և «Հայաստան« համահայկական հիմնադրամի ֆինանսավորմամբ վերջին մեկ տարում ավելի քան 1000 ընտանիք ապահովվել է բնակարանով:

Արցախի Հանրապետության նախագահ Արայիկ Հարությունյանը «Ֆեյսբուք» սոցիալական ցանցի իր էջում տեսանյութ է հրապարակել՝ ներկայացնելով 2020 թվականի պատերազմից հետո Արցախում իրականացվող բնակարանաշինության մեծածավալ աշխատանքները:  

տեսանյութում նշվում է, որ 2021 թվականից մինչև 2022 թվականի հուլիս ամիսը Արցախի Հանրապետության կառավարության կողմից տրամադրվել է ավելի քան 1000 բնակարան՝ կառուցապատման, երկրորդային շուկայից ձեռքբերման, բնակֆոնդի վերանորոգման արդյունքում: Դրանցից 377 –ը նորակառույց բնակարաններ են՝ հիմնականում Ստեփանակերտում, որոնք կառուցվել են Արցախի և Հայաստանի Հանրապետությունների պետական միջոցների և Հայաստան համահայկական հիմնադրամի ֆինանսավորմամբ:

Բնակարանների և բնակելի տները տրամադրվել են զոհված անձանց ընտանիքներին, տեղահանվածներին, 1-ին խմբի անժամկետ զինհաշմանդամություն ունեցողների, ՊԲ գործող և պահեստազորի զինծառայողների, 5 և ավելի զավակ ունեցող ընտանիքներին, փախստականի կարգավիճակ ստացած ընտանիքներին և ծնողազուրկ անձանց ընտանիքներին

«2022 թվականին շահագործման կհանձնվի շուրջ 600 բնակարան և բնակելի տուն, որի շուրջ 90 տոկոսը՝ շրջաններում»,- տեսանյութում նշում է Արցախի Հանրապետության բնակարանային հարցերի կոմիտեի նախագահ Արմեն Մանգասարյան

Նրա խոսքով՝ ներկա պահին Ստեփանակերտ քաղաքում մոտ 1300 բնակարանի շինարարական աշխատանքներ են սկսված, շրջաններում այդ թիվը հասնում է մոտ 1500-ի: Եվս 1000 բնակարանի, բնակելի տան նախագծանախահաշվարկային փաստաթղթերը պատրաստ են ու առաջիկայում դրանց շինարարությունը կսկսվի:

«Հանրապետությունում բնակարանային հաշվառման հերթացուցակներում արդեն ունենք մոտ 8500 ընտանիք: Կարծում եմ՝ այս շինարարական տեմպերով առաջիկա տարիներին հնարավոր կլինի նրանց հարցը լուծել»,- ընդգծում է Արմեն Մանգասարյանը: