Օլանդի կինը դավաճանել է նրան ֆրանսահայ գործչի հետ

Չորեքշաբթի երեկոյան ֆրանսիական ԶԼՄ-ները հաղորդել են նախագահական ընտանիքի շուրջ սկանդալային բացահայտումների մասին: Մամուլի տեղեկությունների համաձայն՝ Ֆրանսիայի առաջին տիկին Վալերի Թրիեվեյլերը՝ Ֆրանսուա Օլանդի քաղաքացիական կինը, դավաճանել է նրան հայկական ծագումով հայտնի քաղաքկան գործիչ Պատրիկ Դևեջյանի հետ։ Վերջինս նախկին նախագահ Նիկոլա Սարկոզիի մերձավոր օգնականն է, և իշխող UMP կուսակցության գլխավոր քարտուղարը: 

Սկանդալային դավաճանության մասին արտասահմանյան ԶԼՄ-ները գրել են այսօր՝ հղում անելով La Frondeuse-ին, որտեղ հրապարակված են այդ սիրավեպի բոլոր մանրամասները:

Նշվում է, որ այն ժամանակ Թրիեվեյլերը ամուսնացած է եղել, իսկ իր սիրեկանը՝ Օլանդը, ամուսնացած է եղել սոցիալիստների առաջնորդ Սեգոլեն Ռուայլի՝ իր չորս զավակների մոր հետ:

Լրագրողներին հայտնի է դարձել նաև այն, որ Թրիերվեյլերը Դևեջյանին խնդրել է բաժանվել իր կնոջից, ում հետ նա ապրում էր ավելի քան 30 տարի, սակայն վերջինս հրաժարվել է, որից հետո նրա ամուսնական ձգտումները կենտրոնացել են Օլանդի վրա:

Հետաքրքիրն այն է, որ և՛ Օլանդը, և՛ Դևեջյանը գիտեին, որ անկողինը կիսում են միևնույն կնոջ հետ, սակայն միմյանց հանդեպ շարունակում էին «մեծ հարգանք» տածել:

Սիրային այս եռանկյունու պատմությունը նկարագրված է Քրիստոֆ Ժակուբիսինի և Ալիկս Բույագի գրքում, որը խանութներում կհայտնվի հոկտեմբերի 11-ին:

Այն բանից հետո, երբ Ֆրանսիայում նախագահական ընտրություններում հաղթանակ տարավ ֆրանսուա Օլանդը, ԶԼՄ-ները ակտիվորեն սկսեցին քննարկել, որ առաջին տիկինը 47-ամյա լրագրողուհի Վալերի Թրիերվեյլերն է՝ երկու անգամ ամունալուծված միայնակ մայր, որը պաշտոնապես ամուսնացած չէ Օլանդի հետ:

Օլանդի սիրուհին առաջին չամուսնացած կինն էր պատմության մեջ, ով մտավ Ելիսեյան պալատ՝ նախագահի կնոջ կարգավիճակով:
Վալերի Թրիերվեյլերը մամուլում ստացել է ծիծաղելի անվանում «Ռոտվեյլեր» այն բանից հետո, երբ ապտակել է իր գործընկերներից մեկին:

Թրիերվեյլերը և Օլանդը ծանոթացել են 23 տարի առաջ, երբ ապագա «առաջին տիկինը» լրագրող էր, իսկ նախագահը՝ բավական մեծ ընտանիքի ամուսին և հայր:

1in.am