Թուրքիայի նախագահը կրկին հայտարարել է, որ Հայաստանի հետ հարաբերությունների կարգավորման գործընթացն իրենք իրականացնում են Ադրբեջանի հետ համաձայնեցված
Թուրքիա
Թուրքիայի նախագահ Ռեջեփ Թայիփ Էրդողանն անդրադարձել է Հայաստանի հետ հարաբերությունների կարգավորման գործընթացին։
Այս մասին, Էրդողանը խոսել է թուրքական «TRT»-ին տված հարցազրույցում։
«Երկու երկրների կրոնական տոների շրջանակներում հեռախոսազրույց ենք ունեցել վարչապետ Փաշինյանի հետ, որի ժամանակ փոխանցել ենք մեր փոխադարձ շնորհավորանքները։ Իհարկե, մենք խոսել ենք նաև մեր երկրի և Հայաստանի միջև հարաբերությունների կարգավորման գործընթացի մասին։ Մեր կարմիր գիծն ի սկզբանե Ադրբեջանն էր։ Մենք ասել ենք, որ Ադրբեջանի հարցի լուծումից հետո միայն կբացենք մեր սահմանը։
Ուրախ էի նաև լսել, որ Փաշինյանը տարածաշրջանային խաղաղության և համագործակցության առումով մեզ հետ կիսում է նման մտքեր։
Հիմա մենք ակնկալում ենք, որ նրանք (Հայաստանը-խմբ.) խոսքից զատ կոնկրետ քայլեր կձեռնարկեն։ Մենք լուրջ և վճռական ենք տրամադրված Հայաստանի հետ հարաբերությունների կարգավորման գործընթացում։ Մենք նաև լիարժեք նորմալացման և բարիդրացիական հարաբերություններ հաստատելու նպատակ ունենք»,-ասել է Էրդողանը՝ կրկին շեշտադրելով, որ Թուրքիան Հայաստանի հետ գործընթացը մշակում է Ադրբեջանի հետ համաձայնեցված։
Ամենադիտված 
«Դե գնա․․․»․ ռուս հաղորդավարուհու արձագանքը՝ Ռուսաստանին ուղղված Ալիևի պահանջներին (տեսանյութ)
