ԱՀԿ-ն խորհուրդ է տալիս թիրախային խմբերին պատվաստել «Կապիկի ծաղիկի» դեմ

Առողջապահության համաշխարհային կազմակերպությունը (ԱՀԿ) չորեքշաբթի օրը խորհուրդ է տվել նպատակային պատվաստում իրականացնել նրանց, ովքեր շփվել են «Կապիկի ծաղկով» վարակված անձի հետ, ինչպես նաև վարակվելու բարձր ռիսկ ունեցող մարդկանց՝ բուժաշխատողների, բժշկական լաբորատորիաների և բազմաթիվ սեռական զուգընկերներ ունեցողների, գրում է News-ը:

ԱՀԿ-ի ղեկավար Թեդրոս Գեբրեյեսուսն այսօր կայացած ճեպազրույցում ասել է, որ մինչ օրս աշխարհի 78 երկրներում գրանցվել է «Կապիկի ծաղկով» վարակի 18 000 դեպք։ Կանադայում, Եվրամիությունում և Միացյալ Նահանգներում MVA-BN պատվաստանյութը պաշտոնապես հաստատվել է «Կապիկի ծաղկի» դեմ կիրառման համար: Մյուս երկուսը` LC16-ը և ACAM2000-ը, ներկայումս գտնվում են փորձարկման փուլում: