ՄԱԿ-ի ԳԱ նախագահը, տեղի տալով Թուրքիայի կոշտ արձագանքին, հեռացրել է ցեղասպանության մասին գրառումը
Հայաստան
ermenihaber.am-ի հաղորդմամբ՝ ՄԱԿ-ի Գլխավոր ասամբլեայի նախագահի և Մալդիվների արտաքին գործերի նախարար Աբդուլլա Շահիդը Հայաստան կատարած այցի ժամանակ Ծիծեռնակաբերդի հուշահամալիրում հարգանքի տուրք էր մատուցել Հայոց ցեղասպանության զոհերի հիշատակին:
Աբդուլլա Շահիդն այդ մասին նաև գրառում էր արել Twitter-ում։ Այս հանգամանքը չափազանց զայրացրել է Թուրքիայի իշխանություններին:
ՄԱԿ-ի բարձրաստիճան պաշտոնյայի թվիթերյան հրապարակումից հետո Թուրքիան չեղարկել էր օգոստոսի 8-12-ն Անկարայում կայանալիք դեսպանների համաժողովին Աբդուլլա Շահիդի մասնակցության հրավերը:
Թուրքիայի արտգործնախարարությունն այս առնչությամբ մամուլի հաղորդագրություն է տարածել, որում ասվում է, որ Թուրքիան դատապարտում և մերժում է «քաղաքական շահարկումների միջոցով պատմական փաստերի ու միջազգային իրավունքի խեղաթյուրման փորձերը»։
«Թուրքիան այն կարծիքին է, որ 1915 թվականի իրադարձություններին առնչվող փաստերը պիտի դիտարկվեն լիարժեք, արդար և ազնիվ շրջանակներում», - նշել է Թուրքիայի ԱԳՆ-ն։
Ավելի ուշ հայտնի դարձավ, որ Աբդուլլա Շահիդը, տեղի տալով Թուրքիայի կոշտ արձագանքին և ճնշումներին, հեռացրել է վերոհիշյալ թվիթերյան հրապարակումը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
