Զելենսկին կարող էր պայմանավորվել Պուտինի հետ և փրկել Ուկրաինան. Թրամփ

ԱՄՆ նախկին նախագահ Դոնալդ Թրամփը կարծիք է հայտնել, որ Ուկրաինայի նախագահ Վլադիմիր Զելենսկին պետք է պայմանավորվի ՆԱՏՕ-ին չանդամակցելու հարցի շուրջ, ինչպես նաև հրաժարվի Ղրիմի նկատմամբ պահանջներ ունենալուց:

Նրա համոզմամբ, ընթացիկ իրավիճակում այդպիսի քայլն անելը դժվար է, սակայն կոչ է արել Զելենսկիին չհրաժարվել նման հնարավորությունից:

«Նրանք (Ուկրաինայի իշխանությունները- խմբ.) կարող էին հրաժարվել Ղրիմից, կարող էին ինչ-որ բան անել ՆԱՏՕ-ի հետ կապված, ասելով՝ «Շատ լավ, չենք պատրաստվում անդամակցել ՆԱՏՕ-ին», և նրանք ունենալու էին պետություն, քանի որ հավատում եմ, որ Պուտինը կցանկանար գործարքի գնալ»,- The Clay Travis & Buck Sexton Show ռադիոհաղորդման եթերում ասել է Թրամփը: