Փելոսին ժամանել է Մալազիա. Թայվանի հետ կապված ինտրիգը նոր թափ է ստանում
Արտաքին Քաղաքական
ԱՄՆ ներկայացուցիչների պալատի խոսնակ Նենսի Փելոսին ժամանել է Մալազիա. դա պաշտոնյայի ասիական շրջագայության առաջին կանգառն է:
Ինչպես տեղեկացնում է մալազիական Bernama պարբերականը, այսօր Փելոսին կհանդիպի Մալազիայի ստորին պալատի խոսնակ Ազհար Հարունի և վարչապետ Իսմայիլ Յաակոբի հետ:
Ասիական շրջագայության ընթացքում Փելոսին կայցելի նաև Սինգապուր, Հարավային Կորեա և Ճապոնիա:
Բացի այդ, ամերիկյան և չինական մի շարք լրատվամիջոցներում տարածված լուրերի համաձայն, կին պաշտոնյան ծրագրում է այցելել Թայվան, ինչը հարուցել է պաշտոնական Պեկինի վրդովմունքը: Չինաստանի ՊՆ-ն պաշտոնապես պահանջել է ԱՄՆ-ից՝ չեղարկելու Փելոսիի հավանական այցը Թայվան:
Հավելենք նաև, որ Չինաստանը ավիակիրներ է բաց թողել ծով, ի ցույց դնելով այդ հարցում իր սկզբունքայնությունն ու հակազդելու մտադրությունը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
