Շոկի մեջ էի, երբ իմացա Մերկելը զանգել է Պուտինին. Անջեյ Դուդա
Արտաքին Քաղաքական
Լեհաստանի նախագահ Անջեյ Դուդան շոկի մեջ է ընկել, երբ իմացել է, որ Գերմանիայի նախկին կանցլեր Անգելա Մերկելը «Հյուսիսային հոսք-2» գազամուղի հարցով զանգել է ՌԴ նախագահ Վլադիմիր Պուտինին:
Այս մասին Դուդան խոստովանել է Frankfurter Allgemeine Zeitung-ին տված հարցազրույցում, հայտնում է ՌԻԱ Նովոստի-ն:
Լեհաստանի նախագահը նշել է, որ խոսքը վերաբերում է Բեռլինի և Վաշինգտոնի համատեղ հայտարարությանը, որը հրապարակվել է նախորդ տարի հուլիսին: Համաձայն դրա, նախագծի իրականացման համար անհրաժեշտ է 2024 թվականից հետո ռուսական գազի մատակարարումն ապահովել Ուկրաինայի տարածքով:
«2021 թվականին հրապարակված հայտարարության հենց նույն օրվա գիշերը Մերկելը զանգահարել է Պուտինին: Ես շոկի մեջ էի: Դա պետք է ընդունել ոչ միայն իբրև անտարբերության դրսևորում, այլև թշնամական վերաբերմունք Արևելյան Եվրոպայի նկատմամբ»,- ընգդծել է Դուդան:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
