Չինաստանի վերջնագրերը չանցան. Նենսի Փելոսին ժամանեց Թայվան
Արտաքին Քաղաքական
ԱՄՆ Կոնգրեսի ներկայացուցիչների պալատի խոսնակ Նենսի Փելոսին, չնայած Չինաստանի բազմաթիվ նախազգուշացումներին և վերջնագրերին, ժամանել է Թայվան, որտեղ, նախ, այցելել է ինքնավար պետության խորհրդարան:
Այդ մասին հայտնում է ՏԱՍՍ-ը՝ տեղի TTV հեռուստաալիքին հղում անելով:
Թայվանի պառլամենտում ունեցած ելույթի ժամանակ Փելոսին ընդգծել է՝ Վաշինգտոնը հետաքրքրված է, որպեսզի ակտիվացնի միջխորհրդարանական երկխոսությունը Թայբեյի հետ: Բացի այդ, նա կարծիք է հայտնել, որ ԱՄՆ պետք է աջակցի Թայվանին, քանի որ կղզին բախվում է Չինաստանի կողմից եկող սպառնալիքների աճի հետ:
Ավելի ուշ, ամերիկացի պաշտոնյան հանդիպել է Թայվանի վարչակազմի ղեկավար Ցայ Ինվենի հետ: Զրույցից առաջ Ցայ Ինվենը կառավարական մեդալով պարգևատրել է Փելոսին, ով նշել է, որ մեդալը տեղ կգտնի իր աշխատասենյակում:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
