ԵԱՀԿ-ն կոչ է անում Ադրբեջանին ու Հայաստանին ձեռնարկել բոլոր անհրաժեշտ միջոցները՝ երկխոսությունը վերսկսելու համար
ԱրցախԵԱՀԿ-ն արձագանքել է Ադրբեջանի զինված ուժերի հարձակմանը Արցախի դիրքերի ուղղությամբ։ «Մենք չափազանց անհանգստացած ենք Հարավային Կովկասում գրանցված զինված միջադեպերով և զոհերով։ Մենք կոչ ենք անում Ադրբեջանին ու Հայաստանին ձեռնարկել բոլոր անհրաժեշտ միջոցները՝ ապաէսկալացիայի և երկխոսությունը վերսկսելու համար։ Մենք հավատարիմ ենք մնում աջակցելու բոլոր ջանքերին, որոնք ուղղված են տարածաշրջանում խաղաղության ամրապնդմանը»,- ասվում է ԵԱՀԿ Լեհաստանի նախագահության թվիթերյան գրառման մեջ։
Հիշեցնենք, որ օգոստոսի 3-ին, ժամը 09։00-ից սկսած, ադրբեջանական ստորաբաժանումները կոպտորեն խախտել են հրադադարի ռեժիմը՝ ՊԲ դիրքերի ուղղությամբ կիրառելով նռնականետներ և ԱԹՍ-ներ։ Հայկական կողմը զոհ և վիրավորներ ունի։