Դիարբեքիրում մարտական ուղղաթիռ է կործանվել

Դիարբեքիրի նահանգի Լիջե շրջանում մարտական ուղղաթիռ է կործանվել. այս մասին գրում է թուրքական Haberler.Com կայքը: Միջադեպը տեղի է ունեցել տեղական ժամանակով ժամը 12.00-ին: Դեռևս չպարզված պատճառներով՝ ուղղաթիռը բախվել է էլեկտրալարերին և ընկել գետնին:

Նախնական տվյալներով՝ զոհվել է 1 զինծառայող, կան նաև վիրավորներ: Ուղղաթիռի կործանումից հետո դեպքի վայր են ժամանել շտապօգնության մեծ թվով աշխատակիցներ ու փրկարարներ: Վիրավոր զինծառայողներին տեղափոխել են Դիարբեքիր և Բինգյոլ: Ըստ աղբյուրի տվյալների՝ ուղղաթիռի կործանման հետևանքով զոհվել է 3, վիրավորվել՝ 7 զինծառայող: