Ատում եմ ռուսներին. այս խոսքերի համար ՌԴ ԱԳՆ-ն արտաքսում է Նորվեգիայի հյուպատոսին
Արտաքին Քաղաքական
ՌԴ-ում Նորվեգիայի դեսպանի Ռունե Ռեսալանդին կանչել են Ռուսաստանի արտաքին գործերի նախարարություն, հայտնում են ռուսական լրատվամիջոցները:
Նրան, մասնավորապես, բողոքի նոտա է ներկայացվել Նորվեգիայի հյուպատոս Էլիսաբեթ Էլինգսենի արած հակառուսական հայտարարությունների կապակցությամբ, ասված է ՌԴ ԱԳՆ տարածած հայտարարության մեջ:
Բացի այդ, գերատեսչությունում ընդգծել են, որ հյուպատոսի ներկայությունը ՌԴ տարածքում այլևս անհնար է:
Ավելի վաղ Էլինգսենը Մուրմանսկի հյուրանոցի աշխատակիցներին դիմելով, ասել էր հետևյալը.
«Ատում եմ ռուսներին: Ես սովոր եմ մաքուր սենյակների, ես Սկանդինավիայից եմ: Ես ինչ-որ ռուս կին չեմ, որ հարմարվում է ինչպես պատահի»:
Հյուպատոսի սկանդալային հայտարարությունը բուռն արձագանք էր ստացել, թեմային վրդովմունքով արձագանքել էր նաև ՌԴ ԱԳՆ պաշտոնական ներկայացուցիչ Մարիա Զախարովան:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
