Թուրքիայի զինված ուժերը բերվել են պատրաստվածության բարձր մակարդակի

ИТАР-ТАСС գործակալությունը, հղում կատարեлով ՆԱՏՕ-ի դիվանագիտական աղբյուրներին, հաղորդвւմ է, որ Թուրքիայի զինված ուժերը բերվել են բարձր պատրաստվածության։

«Անկարայի և Դամասկոսի միջև իրադարձությունները զարգանում են ամենակրիտիկական սցենարով։ ՆԱՏՕ-ի ղեկավարությունը գրեթե չընդհատվող խորհրդակցություններ է անցկացնում՝ վերլուծելու թուրք-սիրիական սահմանի իրադարձությունները»,-նշել է եվրոպացի դիվանագետը։

Ըստ եղած տեղեկությունների՝ անցնող շաբաթվա ընթացքում Դիարբեքիրում՝ սիրիական սահմանի մոտակայքում գտնվող ավիաբազան հարստացվել է F 16 տիպի 25 կործանիչներով։

«Թուրքիան կհասնի նրան, որ Սիրիայի հյուսիսային շրջաններում սիրիական կառավարական ավիացիայի համար ոչ թռիչքային գոտի սահմանվի»,-նշել է Լոնդոնի միջազգային ռազմավարական հետազոտությունների աշխատակիցը։

Հիշեցնենք, որ ավելի վաղ Թուրքիայի ռազմաօդային ուժերի միջոցով սիրիական A-320 ինքնաթիռը հարկադիր վայրէջք էր կատարել Անկարայում՝ օդանավում զենքի առկայության կասկածների պատճառով:

Օդանավի խուզարկությունը շարունակվել է 5 ժամ, որի արդյունքում թուրքական կողմը հայտարարել է, որ ինքնաթիռի մեջ ռազմական նպատակներով օգտագործվող պարագաներ են հայտնաբերվել: Դրանից հետո ինքնաթիռը շարունակել է թռիչքը, սակայն օդանավի ուղեբեռն առգրավվել է:

Աշխատակցի խոսքով՝ հենց այդ կտրվածքով էլ պետք է դիտարկել Սիրիայի հետ սահմանին ավիացիոն խոշոր ստորաբաժանում տեղակայելու որոշումը, ինչպես նաև երեկ սիրիական քաղաքացիական А320 տիպի ինքնաթիռի հետ տեղի ունեցած միջադեպը։

«Մենք չենք բացառում, որ Թուրքիան իր առջև խնդիր է դրել Սիրիայի տարածքում 10 կիլոմետրանոց միջանցք ստեղծելու հարցը, որպեսզի այնտեղ տեղավորի սիրիացի փախստականների ճամբարները»,-նշել է լոնդոնյան վերլուծական կենտրոնի փորձագետը։