Սիրիան Թուրքիայից պահանջում է հետ վերադարձնել ինքնաթիռից առգրաված բեռը

Սիրիայի ԱԳն-ն հոկտեմբերի11-ին Անկարայից պաշտոնապես պահանջել է վերադարձնել մեկ օր առաջ սիրիական ինքնաթիռից առգրավված բեռը. հայտնում է Agence France-Press-ը:

«Սիրիական կառավարությունը կոչ է անում Թուրքիային վերադարձնել բռնգրավված ապրանքը»,-ասված է պաշտոնական հայտարարության մեջ: Կոնկրետ ինչ են ուզում սիրիացիները հետ վերադարձնել՝ ԱԳՆ-ն չի պարզաբանել: Դամասկոսի այս կոչին Անկարայի արձագանքը դեռ հայտնի չէ: Ավելի վաղ թուրքերը հայտարարել էին, որ առգրավված 10 արկղերը պարունակում են «մարտական ապրանքների տարբեր մասեր»:
Կոնկրետ ինչ է պարունակվում այդ արկղերում, չի հայտնվում ո՛չ Անկարայում, ո՛չ Դամասկոսում և ո՛չ էլ Մոսկվայում, որտեղից ինքնաթիռը թռիչք էր կատարել: Ընդ որում, Ռուսաստանը հայտարարել էր, որ դա հաստատ զենք չէ:

Հիշեցնենք, որ Թուրքիայի ռազմաօդային ուժերի միջոցով Մոսկվայից Դամասկոս թռչող սիրիական A-320 ինքնաթիռը հարկադիր վայրէջք էր կատարել Անկարայում՝ օդանավում զենքի առկայության կասկածների պատճառով:

Օդանավի խուզարկությունը շարունակվել է 5 ժամ, որի արդյունքում թուրքական կողմը հայտարարել է, որ ինքնաթիռի մեջ ռազմական նպատակներով օգտագործվող պարագաներ են հայտնաբերվել: Դրանից հետո ինքնաթիռը շարունակել է թռիչքը, սակայն օդանավի ուղեբեռն առգրավվել է: