Ալիևը Մակրոնին հայտնել է, որ ՌԴ ՊՆ-ի հետ է համաձայնեցրել Լաչինի հարցը
ՌուսաստանԵլիսեյան պալատը հայտնում է Ֆրանսիայի նախագահ Էմանուել Մակրոնի՝ ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ ունեցած հեռախոսազրույցների մասին։ Ալիեւի վարչակազմը տեղեկություն է տրամադրել Մակրոնի հետ հեռախոսազրույցի մասին։
Հաղորդվում է, որ Մակրոնը Ալիեւին հորդորել է «անել հնարավոր ամեն ինչ՝ էսկալացիայից խուսափելու եւ Հայաստանի հետ լիարժեք բանակցելու համար»։ Նա ընդգծել է 2020 թվականի նոյեմբերի 9-ի հրադադարի հռչակագրով ստանձնած պարտավորությունների կատարման կարևորությունը։
Իր հերթին Ալիևն ընդգծել է, որ «Ռուսաստանի պաշտպանության նախարարության հետ ձեռք բերված պայմանավորվածության արդյունքում, Եռակողմ հայտարարության դրույթների համաձայն, որոշվել է նոր ճանապարհի երթուղին, որն այլընտրանք է Լաչինի միջանցքին, և ադրբեջանական կողմն ավարտում է այդ ճանապարհի շինարարությունը։ Այս աշխատանքներն ավարտվելուն պես, 2020 թվականի նոյեմբերի 10-ի Եռակողմ հայտարարության համաձայն, նախատեսվում է ռուսական խաղաղապահ ուժերը վերատեղակայել այդ ճանապարհին»։