Մովսեսի տասը պատվիրաններով մագաղաթի ցուցադրությունը Նյու Յորքում

Նյու Յորքի Discovery Times Square ցուցասրահում երեկ՝ դեկտեմբերի 16-ին, ցուցադրվել է հին հրեական մագաղաթի լավ պահպանված հատված` Մովսեսի տասը պատվիրաններով: Ցուցադրության պաշտոնական կայքը հայտնում է, որ ցուցադրությունը տևելու է մինչև 2012 թվականի հունվար:

Ցուցանմուշի ծանոթագրության մեջ նշված է, որ մագաղաթի կտորը հրաշքով է փրկվել և հատուկ պահպանության կարիք ունի:

Մագաղաթը հայտնաբերվել է 1952 թվականին, Մեռյալ ծովի Խիբեթ-Կուրման 4-րդ քարանձավում: Այն պատկանում է, այսպես կոչված, Մեռյալ ծովի մագաղաթներին, որոնք հայտնաբերվել են այս տարածքում, երբ Պաղեստինը գտնվում էր բրիտանական մանդատի ներքո 1947-1956 թվականներին:

Մագաղաթները թվագրված են մ.թ.ա. 250 թվականից մինչև մ.թ. 68 թվականը: Գիտնականների կարծիքով, ձեռագրերը (մոտ 900 մագաղաթ) ստեղծել են հրեական մի աղանդի անդամներ, որոնք հեռացել էին հուդդայականությունից և ապրում էին անապատում: