Հայտնի է Apple-ի աշնանային շնորհանդեսի ամսաթիվը
Գիտություն և Մշակույթ
2022 թվականին Apple-ը սովորականից մեկ շաբաթ շուտ կանցկացնի iPhone 14-ի շնորհանդեսը, հայտնում է Gizchina պորտալը՝ վկայակոչելով հայտնի ինսայդեր Մաքս Վայնբախին։
Իր թվիթներից մեկում Վայնբախն անդրադարձել է Bloomberg-ի զեկույցին այն մասին, որ Apple-ը հետաձգել է iPadOS օպերացիոն համակարգի թողարկումը, որպեսզի իր ողջ ուժերը կենտրոնացնի iOS-ի վրա։
«Գիտեմ, որ շնորհանդեսը տեղի կունենա սեպտեմբերի 6-ին, իսկ վաճառքի մեկնարկը կսկսվի սեպտեմբերի 16-ին։ 100%-ով վստահ չեմ, բայց կարծես թե այդպես է»,- ասել է ինսայդերը:
Որպես կանոն՝ Apple-ը սեպտեմբերի երկրորդ շաբաթվա ընթացքում անցկացնում է նոր iPhone-ների և այլ գաջեթների շնորհանդեսը։ Սակայն Bloomberg-ի տարածած տեղեկատվությունը հուշում է, որ միջոցառումը տեղի կունենա սովորականից շուտ։
Նախնական տվյալներով՝ Apple-ը պատրաստվում է ներկայացնել միանգամից չորս նոր iPhone՝ 6,1 դյույմանոց, 14, 6,1 դյույմանոց, iPhone 14 Pro, 6,7 դյույմանոց iPhone 14 Max և 6,7 դյույմանոց iPhone 14 Pro Max։ Ավելի վաղ հաղորդվում էր, որ բազային մոդելի արժեքը կսկսվի 799 դոլարից, ինչպես iPhone 13-ը՝ վաճառքի սկզբում։ Դա թույլ կտա ընկերությանը խթանել նոր սարքի վաճառքը:
ՈՒՂԻՂ ԵԹԵՐ
Ամենադիտված 
Պայթյուն՝ Երևանում․ Կան վիրավորներ
