Ոսկու գները նվազում են

Հինգշաբթի ոսկու գները նվազում են, շուկաները արձագանքում են ԱՄՆ-ում սպառողական գների դանդաղեցման տվյալներին։ Այս մասին վկայում են սակարկությունների տվյալները։

Նյու Յորքի Comex բորսայում ոսկու դեկտեմբերյան ֆյուչերսների գինը նվազել է 0,66 տոկոսով՝ հասնելով մեկ տրոյական ունցիայի դիմաց 1801,8 դոլարի։ Արծաթի սեպտեմբերյան ֆյուչերսների գինը նվազել է 1,37 տոկոսով՝ հասնելով ունցիայի դիմաց 20,457 դոլարի:

Չորեքշաբթի հրապարակվել է ԱՄՆ-ի տարեկան գնաճի վիճակագրությունը. այն դանդաղել է մինչեւ 8,5 տոկոս։ Վերլուծաբանները կանխատեսում էին դանդաղում մինչեւ 8,7 տոկոս։