Վերա Բրեժնեւան սեւահեր է դարձել (Տեսանյութ)

«Վիա Գրա» խմբի նախկին շիկահերը փոխել է վարսերի գույնը. նա այլեւս սեւահեր է: Հենց այս տեսքով է նա հանդես եկել իր նոր՝ «Sexy Bambina» տեսահոլովակում: 2011 թվականին Ռուսաստանի երկու հեղինակավոր մրցանակաբաշխությունների ժամանակ «Լավագույն երգչուհի» անվանակարգում հաղթող ճանաչված Բրեժնեւան որոշել է մի լավ զարմացնել երկրպագուներին: Նշենք, սակայն, որ շատերին Վերայի նոր տեսքը դուր չի եկել:

«Youtube»-ում «Sexy Bambina»-ն 3 օրվա ընթացքում դիտել են մոտ 70 հազար անգամ: Տեսահոլովակում Վերան մարմնավորում է սեքսուալ կնոջ, որին հայացքով մերկացնում եւ հոշոտում են տղամարդիկ, «Sexy Bambina»-ն չի տրվում նրանցից ոչ մեկին, այլ ծանր աշխատանքային օրվանից հետո հոգնած վերադառնում է տուն եւ համբուրում իր փոքրիկ դստերը:

Երգչուհին փորձել է ցույց տալ, որ ինչպես ինքը, այնպես էլ «Վիա Գրա»-ի մյուս անդամները միայն բեմի վրա կարող են լինել սեքսուալ եւ մարմնավորել թեթեւաբարո կնոջ, իրականում նրանք հոգատար մայրիկներ են: