«Ղարաբաղում ապրող հայերը չեն ունենա կարգավիճակ, անկախություն, հատուկ արտոնություններ». Ալիև

«Այսօր Հայաստանի և Ադրբեջանի միջև ընթացող կարգավորման գործընթացում Ղարաբաղի (Արցախ- խմբ.) խնդիր չկա։ Նման փորձեր եղել են, բայց ես երբեք չեմ տվել իմ համաձայնությունը։ Ի՞նչ կապ ունի Հայաստանը դրա հետ։ Սա մեր ներքին գործն է»։

Այս մասին օգոստոսի 12-ին ադրբեջանական հեռուստատեսությանը տված հարցազրույցում ասել է Ադրբեջանի նախագահ Իլհամ Ալիևը, հայտնում է ԱՊԱ-ն։

Նրա խոսքով` «եթե ինչ-որ մեկը նորից Ղարաբաղում, հանուն ինչ-որ պոպուլիզմի, կամ ինչ-որ մեկի առաջ վախից ելնելով, խոսի ինչ-որ կարգավիճակի, անկախության մասին, պետք է իմանա, որ նա հայ ժողովրդի առաջին թշնամին է». «Որովհետև Ղարաբաղում ապրող հայերը չեն ունենա կարգավիճակ, անկախություն, հատուկ արտոնություններ։ Ինչպես Ադրբեջանի քաղաքացիները, նրանք էլ այդպես։ Ինչպես պաշտպանված են Ադրբեջանի քաղաքացիների իրավունքները, այնպես էլ նրանց իրավունքները»,- ասել է Ալիևը:

Նա նաև սպառնացել է, որ կարող է տարածքային պահանջներ ներկայացնել Հայաստանին։