Ռուսաստանը պայմաններ է դրել ՆԱՏՕ-ի հետ Աֆղանստանում համագործակցությունը շարունակելու համար

Ռուսաստանը նախազգուշացրել է, որ իր համագործակցությունը ՆԱՏՕ-ի հետ Աֆղանստանում 2014-ից հետո կախված է լինելու ՄԱԿ-ի Անվտանգության խորհրդի նոր մանդատից. հաղորդում է Voice of Amerika-ն:

Ինչպես Reuters գործակալությանը տեղեկացրել է Նիկոլայ Կորչունովը`  ՆԱՏՕ-ում Ռուսաստանի ներկայացուցիչը, այդպիսի մանդատը հադիսանում է նախապայման օպերացիաները, ինչպես նաև՝ ՆԱՏՕ-ի հետ 2014 թվականից հետո Ռուսաստանի համագործակցությունը շարունակելու համար:

ՆԱՏՕ-ի ներկայիս մարտական օպերացիաները Աֆղանստանում հավանության են արժանացել ՄԱԿ-ի Անվտանգության խորհրդի կողմից:

Սակայն համաձայն ԱՄՆ-ի վարչակազմի և ՆԱՏՕ-ի ղեկավարների ընդունած որոշումների՝ այդ գործողությունները դադարեցվելու են 2014թ. վերջին, իսկ դաշնակիցները կենտրոնացնելու են իրենց ջանքերը աֆղանական զինվորական անձնակազմի պատրաստման վրա, որի վրա էլ դրվելու է ռազմական օպերացիաների հիմնական բեռը:

Կորչունովի խոսքով՝ ներկա պահին Ռուսաստանը բեռների տեղափոխման հարցում աջակցում է ԱՄՆ-ին և ՆԱՏՕ-ին, որոնք անհրաժեշտ են կոալիցիայի միջազգային զինված ուժերի մատակարարման համար: