«Հրապարակ». Նոր կարգ ԱԺ–ում

ԱԺ մուտք գործող մեքենաների համար նոր կարգ է սահմանվել: Ֆրակցիայի ղեկավարներն ու հանձնաժողովների նախագահներն Աժ բակ մտնելիս պետք է իջեցնեն իրենց ավտոմեքենաների ապակիները, անվտանգության աշխատակիցը պետք է գլուխը մտցնի մեքենայի մեջ, տեսնի այնտեղ ով կա, ինչ կա-չկա, ապա թույլ տա, որ մեքենան մտնի բակ: Այս կարգը սկսել է գործել գլխավոր դատախազի՝ Օսկանյանի հարցով ԱԺ միջնորդություն ներկայացնելուց մի քանի օր առաջ:

Ո՞րն է պատճառը, որևէ մեկը չի բացատրում: Այդ հարցին ի պատասխան՝  Աժ նախագահ Հովիկ Աբրահամյանն ասաց, որ ինքը որևէ կապ չունի դրա հետ, «դա անվտանգությունն է անում»: Ընդ որում, Հովիկ Աբրահամյանի մտերիմ-մերձավորները՝ Թոխմախի Մհերը, մյուս «ճշտով» տղերքը, որոնք մեքենայով բակ մտնելու իրավունք չպետք է ունենան, նաև Աժ նախագահի օգնական Ժորիկն ու գործերի կառավարիչ Համիկը, կարող են առանց «պատուհանվելու» մտնել: