Տիգրան Դավթյան. «Թեթև արդյունաբերությունը զարգանալու լավ հեռանկարներ ունի»

Ժամեր առաջ Մոսկվայի տուն մշակութային գործարար կենտրոնում կայացած «Տեքստիլ և նորաձևություն» համաժողովի մեկնարկին ՀՀ էկոնոմիկայի նախարար՝ Տիգրան Դավթյանը հանդես գալով իր իր ողջույնի խոսքով կարևորեց նմանատիպ միջոցառումների կազմակերպումն ու անցկացումը Հայաստանում և նշեց, որ այսպիսի համաժողովները կարող են խթան հանդիսանալ Հայաստանում թեթև արդյունաբերության զարգացման գործում:

Էկոնոմիկայի նախարարը Հայաստանում թեթև արդյունաբերության վիճակը գնահատեց զարգացման բավականին լավ միտումներ ունեցող ճյուղ այդու հանդերձ նշելով, որ կան մի շարք բացասական երևույթներ որոնք խանգարում են թեթև արդյունաբերության նորմալ ու բնականոն զարգացման համար: Տիգրան Դավթյանը խոսելով հայկական արտադրատեսակների բարձր ներուժի մասին նշեց,որ այսօր առկա են առաջնային մի շարք խնդիրներ այդ թվում տեքստիլ արդյունաբերության արդիականացման մեթոդոլոգիայի որոշակի փոփոխություններ, որոնց առկայության և լուծման դեպքում հնարավոր կլինի ստեղծել մրցունակ դաշտ:

Ըստ նախարարի պետք է գտնել ուղիներ, որոնք հնարավորություն կտան ընդլայնելու, զարգացնելու թեթև արդյունաբերությունը Հայաստանում: «Թեթև արդյունաբերության լավ ավանդույթներ Հայաստանում եկել են դեռ վաղ սովետական շրջանից»,- ասաց Տիգրան Դավթյանը ու հավելեց, որ վերջին շրջանում թեթև արդյունաբերության ոլորտում ակներև է դրական շարժը ու զարգանալու հեռանկարները:

Անդրադառնալով համաշխարհային շուկայում մրցունակ դաշտ ապահովվելուն նախարաը ասաց,- «Գիտենք որ տեքստիլ ոլորտը համաշխարհային շուկայում համարվում է ամենամրցունակներից մեկը, որը հնարավորություն է տալիս քիչ ներդրումներով ստեղծել ու զարգացնել մի շարք արտադրանքներ, ինչն էլ իր հերթին նպաստում է աշխատատեղերի ստեղծմանը: Այսօր կան ներդրումների մի շարք հնարավորություններ, իսկ այս համաժողովը լավ հարթակ է ճշգրտելու մեր պլանները և լուրջ աջակցություն ցույց տալու անչափ կարևոր այս ոլորտին»: