Մահացել է լեգենդար երգչուհի Սեզարիա Էվորան

Դեկտեմբերի 17-ին իր հայրենի Սան–Վինսենտե կղզում (Կաբո-Վերդե) մահացել է «բոկոտն թագուհի» անվանումն ստացած աշխարհահռչակ երգչուհի Սեզարիա Էվորան: Երգչուհին մահացել է 70 տարեկան հասակում՝  սրտի անբավարարությունից:

Գրեմի և այլ հեղինակավոր մրցանակաբաշխությությունների բազմակի դափնեկիր Սեզարիա Էվորան, որ «բոկոտն թագուհի» անվանումն ստացել էր բոկոտն բեմ դուրս գալու սովորության համար, երեք ամիս առաջ հայտարարել էր, որ լքում է բեմը վատթարացող առողջության պատճառով։

Վերջին տարիներին Էվորիան մի քանի ծանր վիրահատությաունների էր ենթարկվել, այդ թվում՝ սրտի վիրահատության, որին ենթարկվել էր 2010թ.։

Հիշեցնենք, որ այս տարի սեպտեմբերի 29-ին, նախատեսված էր երգչուհու համերգը Երեւանի Օպերայի եւ բալետի ազգային ակադեմիական թատրոնում, սակայն համերգը չեղյալ էր համարվել նրա առողջական վիճակի պատճառով։