Hurriyet. Թուրք-սիրիական սահմանի երկայնքով 250 տանկ է տեղակայվել

Թուրքիայի խորհրդարանի կողմից երկրի զինված ուժերին պետության սահմաններից դուրս ռազմական գործողություններ իրականացնելու թույլտվություն տալուց հետո Թուրքիան իր զինված ուժերը բերել է պատրաստվածության բարձր մակարդակի: Հատկապես Սիրիային սահմանակից Սանլիուրֆա, Ղազինթեփ և Մարդին քաղաքներում 60 տանկ է կենտրոնացվել, իսկ թուրք-սիրիական սահմանի երկայնքով 250 տանկ է տեղակայվել. հայտնում է Hurriyet-ը:

Թուրքիան ուժեղացրել է Սիրիայի հետ սահմանի պաշտպանության համար ձեռնարկվող միջացառումներ. փորվել են նոր խրամատներ, սահմանին կենտրոնացվել է ռազմամթերք: Այս ամենն անհրաժեշտ է Սիրիայի կողմից հարձակումներին արագ հակահարված տալու համար. շարունակում է գրել թերթը:

Հիշեցնենք, որ Թուրքիայի և Սիրիայի միջև հարաբերությունները լարվել էին հոկտեմբերի 3-ին Աքչաքալ թուրքական սահմանային քաղաքում սիրիական կողմից արձակած արկի պայթյունից հետո, որի արդյունքում զոհվել էր 5 մարդ: Դրան ի պատասխան՝ թուրքական կառավարությունը Թուրքիային միջսահմանային ռազմական գործողություններ իրականացնելու մեկ տարվա լիազորություններ շնորհեց