Коммерсант. Ռուսական թերթը վերջապես պարզել է՝ ինչ է եղել ինքնաթիռի մեջ

Թուրքիայում «բռնված» ինքնաթիռի մեջ, որն ուղևորվում էր Մոսկվայից Դամասկոս, եղել են ՀՕՊ պաշտպանության ռադիոտեղորոշման կայանների համար նախատեսված տեխնիկական տարրերով 12 արկղեր, գրում է ռուսական «Коммерсант» թերթը:

«Airbus A320» ինքնաթիռի մեջ եղել են ՀՕՊ պաշտպանության ռադիոտեղորոշման կայանների համար նախատեսված տեխնիկական տարրերով 12 արկղեր, ինչպես նաև դրանց տեխնոլոգիական փաստաթղթերը», - հաղորդում է թերթի հրատարակչությունը՝ հղում անելով սեփական աղբյուրներին:
Թերթը ճշգրտում է, որ տվյալ բեռը չէր պահանջում ոչ մի հատուկ ձևակերպում կամ զննում, քանի որ ոչ մի վտանգ չէր ներկայացնում ոչ ինքնաթիռի, ոչ նրա անձնակազմի համար:

«Սա զենք չէ: Եթե մարդը իր հետ ինքնաթիռում տանում է անջատված ռադիոհաղորդիչ, արդյո՞ք այն վտանգ է ներկայացնում ինքնաթիռի կամ մարդկանց համար», - իր աղբյուրներից մեկի խոսքն է մեջբերում «Коммерсант»-ը: «Ոչ մի միջազգային օրենք մենք չենք խախտել», - նշել է մեկ այլ աղբյուր:
Ռազմական տրանսպորտային ինքնաթիռների (ВТС) համակարգին մոտ կանգնած աղբյուրները իրենց հերթին կտրականապես հերքեցին ինքնաթիռում զենքի առկայությունը:

«Մեզ պատկանող բեռ այնտեղ չի եղել»,- հայտնել է «Рособоронэкспорта» ներկայացուցիչ Վյաչեսլավ Դավիդենկոն։ «Коммерсант»-ն ընդգծում է նաև, որ Ռուսասատնի իշխանությունները չեն պատրաստվում այս միջադեպը առանց հետևանքների թողնել: Թերթի տվյալներով՝ շուտով Անվտանգության դաշնային բյուրոն (ФСБ) կարող է ծառայողական ստուգում սկսել ռուսական անձնագրային գերատեսչություններում` Սիրիա ուղևորվող բեռի մասին տեղեկատվության արտահոսքի առնչությամբ:

«Թուրքական ռազմական օդային ուժերն ուղարկել էին 2 F-16, քանի որ ամենայն հավանականությամբ տեղյակ էին տեղափոխվող բեռի մասին: Նրանք այդքան մեծ ռիսկի չէին գնա, առանց դա հաստատապես իմանալու», - ռուսական թերթին է փոխանցել մեկ այլ աղբյուր ռուսական պետհամակարգերից:

Հիշեցնենք, որ սիրիական Аirbus А-320 (բորտային համար՝ SRY442) ինքնաթիռը Մոսկվա-Դամասկոս չվերթի ժամանակ բռնի ուժով վայրէջք է կատարել Անկարայում չորեքշաբթի երեկոյան: Այն «բռնելու» համար Թուրքիայի ՌՕՈւ-ն ուղարկել էր 2 F-16 ռմբակոծիչներ: