Սիրիական հակամարտության լուծման բանալին զենքը չէ. Լախդար Բրահիմի

Սիրիական հակամարտության լուծման բանալին խաղաղ բանակցությունների մեջ է, ոչ թե զինված բախումների: Այս կարծիքի շուրջ իր վստահությունն է հայտնել Սիրիայի հարցով ՄԱԿ-ի և Արաբական երկրնրի լիգայի հատուկ ներկայացուցիչ Լախդար Բրահիմին Սաուդյան Արաբիայի թագավոր Աբդալլա իբն Աբդ ալ Ազիզ ալ Սաուդի հետ Ջիդդում ուրբաթ կայացած հանդիպման ժամանակ:

«Պարոն Բրահիմին ի մի է բերել իր բոլոր խորհրդակցությունները, որոնք նա անց է կացրել սիրիական կառավարության և ապստամբական ուժերի հետ: Նա վստահ է, որ ստեղծված անմխիթար իրավիճակը հնարավոր չէ կարգավորել ռազմական միջոցներով: Ավելի շուտ լուծումը տեսնում եմ քաղաքական բանակցությունների մեկնարկի մեջ, որը համապատասխանում է սիրիական ժողովրդի պահանջներին»,-նշված է Էմիսարի պաշտոնական ներկայացուցիչ Ահմեդ Ֆաուզիի հաղորդագրության մեջ:

Նրա խոսքերով՝ Բրահիմին և թագավոր Աբդալլան «համաձայնության են եկել միջազգային հասարակության առջև ծառացած սիրիական հակամարտության դադարեցման և հումանիտար օգնության տրամադրման սուր անհրաժեշտության շուրջ»:

Սիրիայի հարցով հատուկ ներկայացուցիչն այս շաբաթ կատարում է իր երկրորդ այցը տարածաշրջանում, որի ընթացքում մտադիր է հանդիպել Դամասկոսին աջակցող և ընդդիմադիրներին սատարող առաջնորդների հետ: Նախատեսվում է հանդիպում նաև Սիրիայի նախագահ Ասադի հետ: