Սիրիան պատրաստ է անմիջական երկխոսություն սկսել Թուրքիայի հետ
Մերձավոր Արևելք
Դամասկոսը պատրաստ է անմիջական երկխոսություն սկսել Թուրքիայի հետ` երկու երկրների միջև լարվածությունը թուլացնելու համար: Այս մասին շաբաթ օրը հայտարարել է սիրիական ԱԳՆ-ը:
Հոկտեմբերի սկզբին կտրուկ սրվել էին թուրք-սիրիական հարաբերություններն այն բանից հետո, երբ թուրքական Աքչաքալ քաղաքում պայթել էին սիրիական կողմից արձակած հրետանային արկերը, որից զոհվել էր 5 մարդ, 11-ը՝ վնասվածքներ ստացել: Դրան ի պատասխան՝ թուրքական խորհրդարանը կառավարությանը միջսահմանային ռազմական գործողություններ իրականացնելու տարեկան լիազորություններ շնորհեց:
ՌԴ ԱԳ նախարար Սերգեյ Լավրովը հոկտեմբերի 10-ին հայտարարեց, որ անհրաժեշտ է անմիջական երկխոսություն հաստատել հակամարտության կարգավորման համար:
«Սիրիան ողջունում է Լավրովի առաջարկությունը Թուրքիայի և Սիրիայի միջև անմիջական երկխոսություն սկսելու մասին»,-ասված է այդ հայտարարության մեջ:
Նրանում նշվում է նաև, որ սիրիական իշխանությունները ռուս դեսպանի հետ Դամասկոսում քննարկել են ստեղծված իրավիճակը և Դամասկոսի պատրաստակամությունը՝ «ստեղծել անվտանգության հարցերով թուրք-սիրիական հանձնաժողով սահմանի երկու կողմերում անվտանգության մեխանիզմների վեահսկման համար». փոխանցում է Риа Новости-ն:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
