Գոհար Ավետիսյանը ինստագրամյան իր էջից ջնջել է Հայաստանի դրոշը

Մոսկվայաբնակ հայազգի դիմահարդար, բլոգեր Գոհար Ավետիսյանը ինստագրամյան իր էջից ջնջել է Հայաստանի դրոշը։ Նա, ըստ հայազգի օգտատերերի, սոցիալական ցանցում բազմամիլիոնանոց լսարանի տիրապետելով, կարող էր որևէ կերպ անդրադարձ կատարել Հայաստանի սահմանին Ադրբեջանի ագրեսիվ գործողություններին՝ հանրությանը տեղեկացնելով, թե ինչ է կատարվում։ Գոհարը, սակայն, ոչ միայն ջնջել է Հայաստանի դրոշը, այլ նաև ընդհանրապես գրառում չի անում այդ մասին։ Ավելին, Գոհարը փակել է նախկինում արված հրապարակումների «մեկնաբանություններ» բաժինը, սակայն մինչ այդ օգտատերերը հասցրել են իրենց զայրույթն ու բողոքը հայտնել բլոգերի էջում։

Գոհար Ավետիսյանը դեռևս ոչ մի կերպ չի մեկնաբանել այս ամենը։