Human Rights Watch. Սիրիական բանակը կիրառում է ռուսական արտադրության կասետային ռումբեր

Իրավապաշտպանները մեղադրում են նախագահ Բաշար ալ-Ասադին պաշտպանող սիրիական բանակին ապստամբների դեմ կասետային զինամթերքի կիրառման մեջ, այս մասին հաղորդում է Reuters –ը՝ վկայակոչելով Human Rights Watch իրավապաշտպան կազմակերպությանը:

Ըստ դիտորդների՝ կասետային ռումբերը նետվում էին ինքնաթիրռներից և ուղղաթիռներից Մաարատ ալ Նուման քաղաքի տարածքում: Նշենք, որ ապստամբերը գրավել են այս քաղաքը հոկտեմբեր ամսի սկզբում, փակելով Հալեպի և Դամասկոսի միջև ճանապարհը: Մոտավորապես մեկ շաբաթվա ընթացքում կառավարակն ուժերը փորձել են վերադարձնել այս քաղաքը:

Ինչպես հայտարարել է Human Rights Watch կազմակերպության ներկայացուցիչը, ռմբակոծության արդյունքում կասետային ռումբերի միջուկը ընկնում էր բնակավայրերի վրա: Ավելին, իրավապաշտպանները հայտարարել են տեսագրությունների առկայության մասին, որտեղ պատկերված է, թե ինչպես են խաղաղ բնակիչները որպես հուշանվեր գետնից հավաքում ռումբերի չպայթած միջուկները: HRW-ը նաև հիշեցնում է, որ դա մահացու վտանգ է պարունակում, քանի որ ռումբերը կարող են պայթել յուրաքանչյու վայրկյան:

Ըստ HRW-ի տվյալների՝ կասետային ռումբերը արտադրվել են Ռուսաստանում, սակայն հայտնի չէ, թե կոնկրետ երբ է Սիրիան ձեռք բերել դրանք ռուսական կողմից: