The Diplomat. Բացելով Պանդորայի տուփը՝ Իսրայելը հարվածեց Իրանին, իսկ Հիզբոլլա՞հը

Քանի դեռ մոտենում է այն պահը, երբ Իսրայելը կարող է որոշել նախահարձակ լինել Իրանի դեմ՝ արմատախիլ անելու վերջինիս միջուկային ենթակառուցվածքները, Իսրայելի քաղաքական փորձագետներն ու նրանց արտասահմանցի դաշնակիցները շատ զգուշությամբ են գնահատում այն արձագանքը, որը ցույց է տալու Լիբանանում հիմնավորված Հիզբոլլահ խմբավորումը. գրում է The Diplomat-ը:

Չնայած որ Իսրայելի համար անցանկալի է վերջնահաշվարկ ներկայացնել Իրանին, ինչը պայմանավորված է նոյեմբերին կայանալիք ԱՄՆ-ի նախագահական ընտրություններով, սակայն վարչապետ Բենյամին Նեթանյահուի կառավարությունը նշում է. «Արդեն համբերությունից դուրս ենք գալիս, և ավելի շատ է հավանականությունը, որ Իրանի միջուկային ծրագիրը կարող է հատել, այսպես կոչված, «կարմիր գիծը» առավելագույնս մինչև մյուս տարվա գարուն:

Այլ գործոններ, ինչպիսիք են ԱՄՆ-ի նախագահական ընտրությունների արդյունքները, P5+1- Իրան բանակցությունների արդյունքները, որոնք սպասվում է, որ կհաջորդեն ԱՄՆ-ի նախագահական ընտրություններին, աճող անկայունությունը հարևան Սիրիայում և այն արտահերթ ընտրությունների արդյունքները, որոնց անցկացման օգտին Նեթանյահուն է կոչ անում. այս բոլոր գործոններն ազդելու են Իսրայելի որոշման վրա՝ ուժ գործադրել Իրանի դեմ, թե՝ ոչ, իսկ եթե այո, ապա՝ երբ:

Իրանի վրա հարձակվելը կարող է պատերազմ սանձազերծել մի քանի ճակատներում, այն կարող է պատասխան ստանալ մի կողմից Իրանի, մյուս կողմից էլ վերջինիս տարածաշրջանային դաշնակցի և հաճախ տեղակալի՝ Հիզբոլլահի կողմից: Դեռևս թարմ հիշողություններ ունենալով լիբանանյան խմբավորման դեմ 2006-ի պատերազմում ջախջախիչ պարտությունից՝ Իսրայելի մտավախությունը մեծ է, որ շիա կազմակերպությունը կվերսկսի ռազմական գործողությունները իսրայելական պետության դեմ սահմանային մանր հարձակումների, ահաբեկչության կամ իր քաղաքները հրթիռակոծելու միջոցով: Այս հանգամանքը պետք է Իսրայելի «օր առաջ» հաշվարկների մասը դառնա:

Բացի այն, որ Իրանն օգնել է ստեղծել «Աստծո կուսակցությունը» լիբանանյան քաղաքացիական պատերազմի և 1982թ. Իսրայելական պաշտպանական ուժերի (IDF) կողմից Հվ. Լիբանանի գրավման «հիմքի» վրա, տարիների ընթացքում Իրանի աջակցությունը Հիզբոլլահին դարձել է բազմակողմանի, և այն այժմ ընդգրկում է հետևյալ ոլորտները՝ ռազմական մարզումներ, զենք ու զինամթերքի փոխանակում, հետախուզություն և թերևս ամենակարևորը՝ ֆինանսական աջակցություն: Չնայած որ Թեհրանի տրամադրած ֆինանսները գնում են հիմնականում դպրոցների և հիվանդանոցների կառուցման համար, ինչպես նաև Լիբանանի շիիթական շրջաններում սոցիալական ծառայությունների մատուցման համար, սակայն այդ օգնությունը նաև կազմակերպության ռազմական թևին: Ավելին, Հիզբոլլահի զինյալները, հայտնի է, որ շատ ակտիվ կերպով վարժվում են և սերտ համագործակցում ու աշխատում են Իրանի Հեղափոխական զորքերի կորպուսի (IRGC) հետ:

Մինչ Հիզբոլլահը քաղաքական կուսակցություն է, որը մրցում է ընտրություններում, և իրենից կարևոր սոցիալական ուժ է ներկայացնում Լիբանանի շրջաններում, որոնք երկար ժամանակ է, ինչ անտեսված են: Եվ մինչդեռ այն դադարել է ծառայել իսլամական Հանրապետության համար որպես «ընդլայնվելու հարթակ», նրա ռազմական թևի ունակությունը լուրջ վնասներ է պատճառել Իսրայելին, մնում է շատ ուժեղ խաղանիշ Իրանի համար սակարկելիս, եթե ոչ, համարժեք կանխարգելող ուժ ընդդեմ Իսրայելի կողմից Իրանի վրա հարձակման: