Լիբիայի նոր վարչապետ է ընտրվել նախկին իրավապաշտպանը

Լիբիայի Ազգային կոնգրեսը հոկտեմբերի 14-ին երկրի նոր վարչապետ է ընտրել:

Վարչապետի պաշտոնը ստանձնել է նախկին դիվանագետ և իրավապաշտպան Ալի Զեյդանը: Այդ մասին հաղորդում է Associated Press-ը:
Ալի Զեյդանը նախկին խորհրդարանական է եղել, այնուհետև թողել է զբաղեցրած պաշտոնը՝ Լիբիայի վարչապետի պաշտոնում իր թեկնածությունը դնելու համար:

Լիբիայի Ազգային կոնգրեսի 200 անդամից նրան աջակցություն է հայտնել 93-ը: Ընդ որում, նրա քաղաքական հակառակորդ Մուհամմեդ ալ Հարարի օգտին քվեարկել է 85 խորհրդարանական:

Համընդհանուր Ազգային կոնգրեսը Լիբիայում ձևավորվել էր 2012թ. հուլիս և օգոստոս ամիսներին ստանձնել էր Լիբիայում քաղաքացիական պատերազմի ժամանակ ձևավորված Անցումային ազգային խորհրդի պարտականությունները: Ազգային կոնգրեսն իրականացնում է խորհրդարանի լիազորությունները և աշխատում է Սահմանադրության մշակման վրա:

Դրանից հետո սպասվում է, որ Լիբիայում կկայանան նախագահական և խորհրդարանական ընտրություններ: