Վաղը պետք է արտադրվի, այսօր վաճառվում է

Վահե Պետրոսյանը facebook սոցցանցի իր էջում ավելացրել է լուսանկար, որտեղ պարզորոշ երևում է, որ շուկայում հայտնվել է «Մարիաննա» ընկերության թթվասեր սխալ ժամկետով։ Այն պետք է արտադրվեր վաղը՝ 16.10.2012 թվականին, բայց այսօր այն վաճառքում է։

Օգտատերը նաև նկատում է, որ դեռ ոչ շատ վաղուց նշված խնդիրը ձվերի շուկայում էր, իսկ հիմա էլ կաթնամթերքում և հարց է բարձրացնում՝ իսկ ու՞ր են նայում սպառողների շահերի պաշտպանները և այլ պատկան մարմինները: Թե՞ Հայաստանում գործում է որոշակի ժամանակի մեքենա, որը թույլ է տալիս այսօր վաճառել այն, ինչ արտադրվելու է վաղը։