«Մարիաննա» ընկերությունը պարզաբանում է
Տնտեսություն
Այսօր Lurer.com-ը հրապարակել էր մի լուսանկար, որում պարզորոշ երևում էր, որ շուկայում հայտնվել է «Մարիաննա» ընկերության թթվասեր սխալ ժամկետով։ Այն պետք է արտադրվեր վաղը՝ 16.10.2012 թվականին, բայց այսօր այն վաճառքում էր։
«Մարիաննա» ընկերությունից Lurer.com-ին հայտնեցին, որ թթվասերը շուկայում սխալմամբ է հայտնվել, և բացի այդ՝ ընդամենը չորս հատ հարյուր գրամանոց թթվասեր է եղել։
«Թթվասերի լցման պրոցեսը կատարվում է առավոտյան ժամը 9-ից սկսած։ Ամսի 16-ով թթվասերը մենք լցրել ենք այսօր առավոտյան ժամը 9-ին, որը սառնարանային տարածքում մնում է մինչև վաղը և դառնում բաց թողնելու համար պիտանի մթերք»,-ասաց ընկերության աշխատակիցը։
Ըստ աշխատակցի՝ թթվասերի մեծ խմբաքանակ դեպի սպառող կետեր չի տարվել, ընդամենը չորս հատ հարյուր գրամանոց թթվասեր է եղել, որոնք առաքվել են Կենտրոնական Բանկի ճաշարան։
«Խնդիրը մենք գտել ենք, լուծել ենք, ապրանքը ետ ենք վերցրել և ներողություն ենք խնդրել»,-հավելեց վերջինս։
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
