Ճապոնիայի հետ խաղաղության պայմանագրի շուրջ բանակցություններն այժմ անհնար են․ Պեսկով

Ճապոնիայի հետ խաղաղ պայմանագրի շուրջ բանակցություններ վարել ներկայիս պայմաններում հնարավոր չէ։

Այդ մասին հայտարարել է ՌԴ նախագահի մամուլի խոսնակ Դմիտրի Պեսկովը, փոխանցում է ՌԻԱ Նովոստի-ն։

Նրա խոսքով, Ճապոնիան, ցավոք, միացել է մի խումբ անբարյացակամ երկրների և ինքն էլ վերածվել է Ռուսաստանի համար ոչ բարեկամ երկրի։

Ավելի վաղ Ճապոնիայի վարչապետ Ֆումիո Կիսիդան հայտարարել էր, որ չնայած Ուկրաինայի հարցում Ռուսաստանի հետ բարդ հարաբերություններին, Ճապոնիան հաստատակամորեն հավատարիմ է տարածքային խնդրի լուծմանը և խաղաղության պայմանագրի կնքմանը։