Agence France-Presse. Հայկական ինքնաթիռը Թուրքիայում զննումից հետո բարեհաջող վայրէջք է կատարել Հալեպում

Սիրիայի Հալեպ քաղաքին մարդասիրական օգնություն տեղափոխող հայկական ինքնաթիռը բարեհաջող վայրէջք է կատարել Հալեպում այն բանից հետո, ինչ Թուրքիան ստիպել էր հայկական ինքնաթիռին վայրէջք կատարել Էրզրում քաղաքում վերջինիս բեռը զննելու նպատակով, տեղեկացնում է Agence France-Presse-ը՝ հղում անելով Anatolia լրատվական գործակալությանը: Այս մասին գրում է նաև The Jordan Times-ը:

ՀՅԴ խմբակցության պատգամավոր Վահան Հովհաննիսյանն Agence France-Presse–ի հետ զրույցում տեղեկացրել է, որ հայկական ինքնաթիռը օգնություն է տեղափոխել «Օգնի՛ր եղբորդ» նախաձեռնության շրաջանակներում, ներառյալ սնունդ: Նշենք, որ Վահան Հովհաննիսյանը «Օգնի՛ր եղբորդ» նախաձեռնության համակարգողն է։

Ինչպես մինչ այս հայտնել էր Lurer.com-ը, «Հայկական ավիաընկերությունը տվել էր իր համաձայնությունը, և ի սկզբանե իր թռիչքային պլանում նախատեսած էր եղել այդ օդանավակայնում վայրէջք կատարելը»: Այս մասին հայտարարություն էր տարածել Հայաստանի քաղաքացիական ավիացիայի գլխավոր վարչությունը:

Հիշեցնենք, որ օրեր առաջ թուրքական ռմբակոծիչները այս անգամ ստիպել էին Ռուսաստանից թռչող սիրիական ինքնաթիռին վայրէջք կատարել Անկարայում կասկածելի բեռի պատճառով: