Փաշինյանի հետ հանդիպման ընթացքում որոշ պահանջներ առաջ քաշվեցին. Էրդողան

Փաշինյանի հետ մեր հանդիպումն անցավ անկեղծ մթնոլորտում։ Այս մասին Պրահայում Եվրոպական քաղաքական համայնքի գագաթաժողովի շրջանակներում Հայաստանի վարչապետ Նիկոլ Փաշինյանի հետ հանդիպումից հետո հայտարարել է Թուրքիայի նախագահ Ռեջեփ Թայիփ Էրդողանը։

«Այս հանդիպման ընթացքում որոշ պահանջներ առաջ քաշվեցին։ Այդ պահանջների հարցով մենք ուղարկեցինք մեր հատուկ ներկայացուցիչներին ու արտգործնախարարներին։ Նրանց հանդիպումից հետո արդյունքին համապատասխան քայլեր կձեռնարկենք»,- նշել է նա։

Նշենք, որ Պրահայում կայացել է Հայաստանի վարչապետ Նիկոլ Փաշինյանի եւ Թուրքիայի նախագահ Էրդողանի հանդիպումը։

Փաշինյանին ուղեկցում են արտգործնախարար Արարատ Միրզոյանը, Թուրքիայի հետ հարաբերությունների կարգավորման հարցերով Հայաստանի հատուկ բանագնաց, խորհրդարանի փոխխոսնակ Ռուբեն Ռուբինյանը, պաշտոնատար այլ անձինք։