Լավրովը մեկնաբանել է Զելենսկու` ՌԴ-ին կանխարգելիչ հարված հասցնելու մասին հայտարարությունը

Ուկրաինան ռիսկեր է ստեղծում՝ կապված զանգվածային ոչնչացման զենքի կիրառման հետ, դա է վկայում Վլադիմիր Զելենսկու հայտարարությունը՝ Ռուսաստանի Դաշնությանը ՆԱՏՕ-ի «կանխարգելիչ հարվածի» մասին։

Այդ մասին հայտարարել է ՌԴ ԱԳ նախարար Սերգեյ Լավրովը։

«Անշուշտ, մենք չենք կարող լռությամբ հետևել այն քննարկումներին, որոնք վերջին շրջանում անընդհատ աճում են միջուկային զենքի հնարավոր կիրառման թեմայի շուրջ, և հատկապես այս առումով չենք կարող անտեսել Կիևի ռեժիմի անխոհեմ գործողությունները, որոնք ուղղված են զանգվածային ոչնչացման տարբեր տեսակի զենքերի կիրառման ռիսկեր ստեղծելուն»,-ընդգծել է Ռուսաստանի գլխավոր դիվանագետը։