Հրաժեշտի հանդիպում Հունաստանի արտակարգ և լիազոր դեսպան Իոաննիս Կորինթիոսի հետ

Դեկտեմբերի 19-ին ՀՀ սփյուռքի նախարար Հրանուշ Հակոբյանն ընդունեց Հայաստանի Հանրապետությունում Հունաստանի Հանրապետության արտակարգ և լիազոր դեսպան Իոաննիս Կորինթիոսին, ով ավարտում է դիվանագիտական առաքելությունը մեր երկրում:

Շնորհակալություն հայտնելով նախարար Հակոբյանին արդյունավետ համագործակցության համար՝ դեսպան Իոաննիս Կորինթիոսը նշեց ՀՀ սփյուռքի նախարարության գործունեության կարևորությունը Սփյուռքի հայ համայնքների, մասնավորապես՝ Հունաստանի հայ համայնքի համար: Դեսպանն ընդգծեց նաև Հունաստանի հայ համայնքի ընդգրկվածությունը և կարևոր դերակատարությունը երկրի հասարակական կյանքի բոլոր ոլորտներում: Դեսպան Իոաննիս Կորինթիոսը նշեց, որ Հայաստանի և Հունաստանի միջև ջերմ, բարեկամական հարաբերությունները նպաստում են հայկական և հունական համայնքների դերի բարձրացմանը:

Հրանուշ Հակոբյանը, բարձր գնահատելով հայ-հունական բարեկամական հարաբերությունները, շնորհակալություն հայտնեց Իոաննիս Կորինթիոսին համագործակցության, մասնավորապես՝ ՀՀ սփյուռքի նախարարության կողմից Սփյուռքի հետ աշխատելու հունական պետության փորձի ուսումնասիրության գործում աջակցության, ինչպես նաև «Սփյուռքի հեռանկարները գլոբալացվող աշխարհում» միջազգային համաժողովի ընթացքում ակտիվ գործակցության համար:

Նախարար Հ. Հակոբյանը հաջողություններ մաղթեց դեսպանին հետագա գործունեության ընթացքում: