Ռուսաստանն ու Բելառուսը համատեղ կպաշտպանեն Միութենական պետությունը

Ռուս-բելառուսական զորքերի տարածաշրջանային խումբը անցել է առաջադրանքների կատարմանը՝ ի պաշտպանություն Միութենական պետության:

Այս մասին հայտարարել է Բելառուսի պաշտպանության նախարար Վիկտոր Խրենինը:

Միաժամանակ, Բելառուսի պաշտպանության նախարարության տարածած տեղեկատվության համաձայն՝ անցած շաբաթվա վերջից հանրապետություն է սկսել ժամանել ռուսաստանցի զինծառայողների առաջին խումբը:

Պաշտպանության նախարարության միջազգային ռազմական համագործակցության ղեկավար Վալերի Ռևենկոն նշել է, որ զորքերի տարածաշրջանային խմբի կազմում ընդգրկվելու են մինչև 9000 զինծառայող, մոտ 170 տանկ, մինչև 200 զրահամեքենա և այլ ռազմատեխնիկական միջոցներ: