Հնդկաստանը Google-ին տուգանել է 162 մլն դոլարով

Հնդկաստանի մրցակցության հանձնաժողովը հոկտեմբերի 20-ին Google-ին տուգանել է 162 մլն դոլարով՝ Android սարքերի շուկայում իր գերիշխող դիրքն անարդարացիորեն օգտագործելու համար։ Կարգավորողի հայտարարության մեջ ասվում է, որ վերանայման արդյունքում` իշխանությունները եզրակացրել են, որ Google-ն օգտագործել է իր գերիշխող դիրքը Android սմարթֆոնների շուկայում՝ գովազդելու իր սեփական հավելվածները, ինչպիսիք են ինտերնետ որոնման համակարգը, Chrome վեբ բրաուզերը և YouTube վիդեոհոսթինգը: Դրանք բոլորը պետք է նախապես տեղադրվեին Android սարքերի վրա՝ համաձայն ամերիկյան ընկերության և սմարթֆոն արտադրողների միջև կնքված պայմանավորվածությունների։ Բացի այդ, Google-ը պայմանագրեր է կնքել սարքեր արտադրողների հետ՝ Android-ի օպերացիոն համակարգեր-պատառաքաղների տեղադրման անթույլատրելիության, ինչպես նաև եկամուտների բաշխման վերաբերյալ համաձայնագրեր։

Հնդկական կարգավորիչը կարծում է, որ այս ամենը Google-ին ոչ միայն գերիշխող դիրք է ապահովել Android սարքերի շուկայում, այլև ընկերությանը դարձրել է մոնոպոլիստ։ Արդյունքում՝ կարգավորիչը տուգանք է նշանակել ընկերությանը, ինչպես նաև Google-ի և սմարթֆոնների արտադրողների միջև վերը նշված բոլոր համաձայնագրերն անօրինական է ճանաչել, հայտնում է Коммерсант-ը։